吳亦凡事件，一地花生。

官媒宣佈此人失德，全面封殺，廣告商解約，保守估計損失最...

吳亦凡事件，一地花生。

官媒宣佈此人失德，全面封殺，廣告商解約，保守估計損失最少17億人仔。

不過呢條友向來無德可言，喺 EXO 時代臨演出前突然失蹤，而且係重要嘅巡演活動，自己飛咗返大陸，然後同韓國 SM 解約。 會掉低自己啲隊友，咁樣嘅人有咩「德」？

而呢單嘢最賤格嘅位係佢同吳秀波一樣，諗住假借比錢個女仔做掩口費，再要佢簽合約認錯兼刪微博，但呢份約嘅條款其實係間接承認自己勒索，好彩個女仔唔肯簽。如果唔係，好似吳秀波個小三咁依家仲坐緊監！所以嗰位19歲嘅女事主係好勁，唔知邊個高人教路啦 (可能係周揚青🤣)。

一向都話，男人衰鹹濕係最唔抵可憐，尤其是做公眾人物。呢單嘢其實仲勁過羅志祥嗰單，因為牽涉未成年少女，迷姦，輪姦等嘅罪名，都唔好講翻唔翻到身，佢不如諗下嚟緊要坐幾耐監先啦~

#吳籤
#我大不大
#你有Freestyle嗎

---